एलजी सिने अवार्डः नीता र नाजिर उत्कृष्ट, फिल्ममा ‘तिमीसँग’ लाई अवार्ड (बिजेताको सुचीसहित)

आइतबार सम्पन्न ‘एलजी सिने सर्कल अवार्ड २०७५’ अन्तर्गत उत्कृष्ट फिल्मको अवार्ड शिशिर राणा निर्देशित ‘तिमीसँग’ ले जितेको छ । राजधानीको राष्ट्रिय सभागृहमा उपराष्ट्रपति नन्दबहादुर पुनःको प्रमुख आतिथ्यता तथा बलिउडका स्टार कलाकार गोविन्दाको विशेष उपस्थितीमा सम्पन्न अवार्ड समारोहमा लाईफटाइम एचिभमेन्ट अवार्ड बरिष्ठ कलाकार किशोर रानालाई प्रदान गरियो ।

५१ हजार नगद राशी सहित ‘लिजेण्ड्री सम्मान’ रानालाइ प्रदान गरियो । अवार्ड तर्फ बर्ष २०७४ को उत्कृष्ट अभिनेताको अवार्ड नाजिर हुसेनले फिल्म ‘तिमीसँग’बाट प्राप्त गर्दा ‘पञ्चायत’ अभिनेत्री नीता ढुङ्गानाले उत्कृष्ट अभिनेत्रीको अवार्ड जितिन् । यस्तै उत्कृष्ट निर्देशकको अवार्ड नवराज बुढाथोकीले फिल्म ‘भुइँमान्छे’बाट पाएका छन् ।

यस्तै क्रिटिक्स अवार्ड फिल्म ‘मंगलम’बाट पुष्प खड्काले पाएका छन् भने पपुलर अभिनेतामा ‘लिलिबिली’बाट प्रदिप खड्काले अवार्ड चुम्दा अभिनेत्री तर्फ प्रियंका कार्की फिल्म ‘छक्का पञ्जा २’बाट पपुलर घोषित भइन् । उत्कृष्ट संगीत निर्देशकको अवार्डअर्जुन पोखरेलले ‘म यस्तो गीत गाउँछु’बाट जिते भने सिनेमाटोग्राफरको अवार्ड बिदुर पाण्डेले ‘भुइंँमान्छे’बाट जिते ।

अवार्ड बिजेताहरुको नामावली यसप्रकार छः
उत्कृष्ट,
पोस्टर अफ दि इयर: शत्रुगते, सान थापा-विजय वश्याल
ट्रेलर अफ दि इयर: सुरेन्द्र पौडेल, कृ
स्टण्ट अफ दि इयर: पिँजडा ब्याक अगेन, सिम्पसन तामाङ
पपुलर गीत अफ दि इयर: कुटुमा कुटु, ‘दुई रुपैयाँ’
भिएफएक्स अफ दि इयर: माओत्सु मुकामी, माइलभ
कम्मेन्डेवल फिल्म अफ दि इयर: पन्चायत
पपुलर एक्टर अफ दि इयर: प्रदिप खड्का
पपुलर एक्ट्रेस अफ दि इयर: प्रियंका कार्की
व्याकग्राउण्ड स्कोर अफ दि इयर: एलिश कार्की
एडिटर अफ दि इयर: मित्र डि गुरुङ, शत्रुगते
स्क्रिनप्ले अफ दि इयर: तिमीसँग
सिनेमाटोग्राफर अफ दि इयर: भुइँमान्छे, बिदुर पाण्डे
एक्सन डिरेक्टर अफ दि इयर: चन्द्र पन्त, कृ
कोरियोग्राफर अफ दि इयर: कविराज गहतराज, कुटुमा कुटु
प्लेब्याक सिंगर अफ दि इयर ‘मेल’: सुगम पोखरेल, भन्छु आज
प्लेब्याक सिंगर अफ दि इयर ‘फिमेल’: मेलिना राई, कुटुमा कुटु
अन स्क्रिन कपल अफ दि इयर: रमेश उप्रेती र दीपिका प्रसाईं
म्युजिक डिरेक्टर अफ दि इयर: अर्जुन पोखरेल, भन्छु आज
एक्ट्रेस अफ दि इयर: नीता ढुङ्गाना, पञ्चायत
एक्टर अफ दि इयर: नाजिर हुसेन, राज्रा रानी
डिरेक्टर अफ दि इयर: नवराज बुढाथोकी, भुइँमान्छे
फिल्म अफ दि इयर:  तिमीसँग
क्रीटिक्स अवार्ड: पुष्पल खड्का
लाइफटाइम एचिभमेन्ट अवार्डः किशोर राना