बाँध मायाले गीत रिलिजः गाउँले भुमिकामा सृष्टिको बोल्ड अबतार (भिडियो)

असोज ५ लाइ प्रदर्शन मिति तय गरेको फिल्म ‘बाँध मायाले’को नयाँ गीत रिलिज भएको छ । गीतमा डेब्यू अभिनेता किशोर खड्कासँग अभिनेत्री सृष्टि श्रेष्ठ फिचर छिन् । गाउँले भुमिका निभाएकी सृष्टिका केहि बोल्ड अबतार गीतमा समावेश छन् ।

अर्जुन पोखरेलको संगीत रहेको ‘सँगसँगै’ बोलको गीतमा स्वर सुगम पोखरेल र अञ्जु पन्तको छ । शब्द पनि संगीतकार पोखरेलले नै लेखेका छन् । यसअघिका गीत तथा ट्रेलरमा सृष्टिले आर्यन अधिकारीसँग जोडी बाँध्दा यो पटक भने नयाँ हिरो उनको अपोजिटमा देखिएका छन् ।

सबिर श्रेष्ठको निर्देशनमा बनेको फिल्मले इपिक लभस्टोरी बोल्छ । राजाराम पौडेल, रविन्द्रप्रताप सेन, बिशाल चाम्लिङ पनि फिल्ममा लिड अभिनयमा छन् । बाबु श्रेष्ठले खिचेको फिल्मलाई रामहरी धिताल र विभिशिका श्रेष्ठले निर्माण गरेका हुन् ।