धिरज र साम्राज्ञीको ‘इन्टु मिन्टु लण्डनमा’ पोस्टर रिलिज
असोज ५ बाट प्रदर्शनमा आउने फिल्म ‘इन्टु मिन्टु लण्डनमा’का दुई पोस्टर एकसाथ रिलिज भएका छन् । एउटा पोस्टरमा लिड कलाकार साम्राज्ञी राज्यलक्ष्मी शाह र धिरज मगरलाई देखाएको छ भने अर्को पोस्टरमा प्रायः सबै लिड कलाकार फिचर छन् ।
धिरज र साम्राज्ञीसँगै अर्जुन श्रेष्ठ, विजय लामा, दिलभुषण पाठक, सारुक ताम्राकार र रुबी राणा फिल्ममा लिड अभिनयमा छन् । रेनशआ वान्तवा राईले फिल्मलाई निर्देशन गरेकी छिन् ।
आइकोर फिल्मस् को ब्यानरमा प्रज्वल शमशेर राणाले निर्माण गरेको फिल्मको ट्रेलरले लोकप्रियता कमाईसकेको छ भने सांगितिक रुपमा फिल्म यसअघि नै अबब्ल बनिसकेको छ ।
