‘क्रिस ४’ को लागी ऋतिकले छोडे नाडियडवालाको सुपरहिरो फिल्म
बलिउडका सेक्सी हिरोको उपमा पाएका अभिनेता ऋतिक रोशन छिट्टै नै ‘सुपर ३०’ नामक फिल्म मार्फत पर्दामा आउँदैछन् । यो फिल्ममा उनको लुक्स यसअघिका सबै फिल्ममा भन्दा फरक रहने बताइएको छ । जहाँ उनले गणितिज्ञ आनन्दकुमारको भुमिका निभाउँदैछन् ।
यसैपनि अन्य अभिनेता भन्दा कम फिल्म गर्दै आएका ऋतिकले ‘सुपर ३’ पछिको प्रोजेक्ट ‘क्रिस ४’को लागी अन्य ठुला ब्यानरका फिल्महरु छोडेको खबर छ । अभिनेता बरुण धवनका दाजु रोहित धवनले निर्माण गर्न लागेको एक फिल्मको अफर ऋतिकले लत्याएका हुन् ।
बिग बजेटमा बन्न लागेको सुपरहिरो फिल्मको अफर ऋतिकले नकारेपछि रोहित यतिबेला नयाँ अभिनेता खोज्नमा ब्यस्त छन् । ‘क्रिस’का सबै सिरिजमा ऋतिक सुपरहिरो बनेका छन् । त्यसैले उनले अन्य फिल्ममा सुपरहिरो बन्ने अफरलाई इन्कार गरेको बताइएको छ । ‘क्रिस ४’ को लागी सुपरहिरोको क्रेज जोगाइराख्नको लागी उनले अफर छोडेका हुन् ।
राकेश रोशनले निर्माण गर्ने ‘क्रिस ४’ को काम अब छिट्टै नै सुरु हुने र ऋतिक बिस्तारै त्यसको तयारीमा जुटेको बलिउड मिडियाले लेखेका छन् । उता संयोग के परेको छ भने बलिउडका भेट्रान मेकर मानिने साजिद नाडिवालाले ऋतिकले छोडेको प्रोजेक्टको निर्माण गर्दैछन् ।
