‘छिरिङ’ ट्रेलर रिलिज, दशकपछि पर्दामा फर्के निमा रुम्बा (भिडियो)

‘कागबेनी’ फिल्म नेपाली इतिहासमा सफल फिल्मको सुचीमा पर्छ । समिक्षकबाट उत्कृष्ट प्रतिक्रिया पाएको फिल्मका अभिनेता थिए निमा रुम्बा । यसैफिल्मबाट सौगात मल्लले नेपाली रजतपटमा डेब्यू गरेका थिए । सौगातसँग ११ बर्ष पहिले पर्दामा देखिएका गायक निमा रुम्बाले अभिनयमा पुनरागमन गरेका छन् ।

निमा स्टारर फिल्म ‘छिरिङ’ यतिबेला रिलिजको तयारीमा छ । अभिनेता यशकुमारले यो फिल्मलाई निर्देशन गरेका छन् । निमासँगै यशकुमार र कामना भुजेल लगायत लिड अभिनयमा रहेको फिल्मको आईतबार ट्रेलर रिलिज गरियो । असोज १२ बाट प्रदर्शनमा आउने फिल्मले सामाजिक कथा पेश गर्छ ।

सम्पुर्ण छायाँकन मुस्ताङमा गरिएको फिल्मलाई मानकृष्ण महर्जनले खिचेका छन् । यशकुमारले यम थापासँग मिलेर लेखेको फिल्मलाई आइबी दर्नाल, सुनिल माथेमा प्रधान र नविन बुढाथोकीले निर्माण गरेका हुन् । इक युवतीले सहनुपरेको सामाजिक, मानसिक र सांस्कृतिक पीडालाई फिल्मले बोलेको छ ।