‘छक्का पञ्जा ३’ गीत रिलिज, दीपिकाको माया पाउन दिपकको कसरत

दशैँ रिलिज फिल्म ‘छक्का पञ्जा ३’ को नयाँ गीत रिलिज भएको छ । राजा अबतारमा देखिँदै आएका अभिनेता दिपकराज गिरीले अभिनेत्री दीपिका प्रसाइँको माया पाउन धाउँदै गरेको कथा गीतमा समावेश छ ।

मुख्यतः दिपक र दीपिकासँगै जितु नेपाल, केदार घिमिरे र बुद्धी तामाङ फिचर गीतमा स्वर निशान भट्टराई र एञ्जिला रेग्मीको छ । संगीत अर्जुन पोखरेलले भरेका छन् । कोरियोग्राफी कविराज गहतराजको छ । गीतको शब्द संगीतकार पोखरेलसँग दिपकराजले मिलेर लेखेका छन् ।

दीपाश्री निरौला निर्देशित फिल्ममा प्रियंका कार्की, नीर शाह, शिवहरी पौड्याल, किरण केसी, अनुराग कुवँर, सुमन गिरी, लक्ष्मी गिरी, विल्सन बिक्रम राई लगायत लिड अभिनयमा छन् । फिल्मलाई पुरुषोत्तम प्रधानले खिचेका हुन् ।