रिलिज मिति तय गर्दै ‘दैलो’ आइटम गीत रिलिज (भिडियो)
नेपाली कथानक फिल्म ‘दैलो’को रिलिज मिति तय भएको छ । एफडी कम्पनिले वितरणको जिम्मा लिएको फिल्म कार्तिक ३० बाट प्रदर्शनमा आउने पक्का भएको हो ।
अफिसियल रिलिज तय गर्दै मौलिक कथा बोल्ने भनिएको फिल्मको पहिलो प्रचार सामग्री स्वरुप निर्माण टिमले आइटम गीत रिलिज गरेको च । सार्वजनिक ‘कुतु कुतु’ बोलको गीतमा स्वर दुर्ग साउतको छ भने लक्षुप्रकाश मल्लको संगीत रहँदा शब्द बिमल भट्टराईले लेखेका छन् । पवन पाठकले गीतमा नृत्य गरेकी छिन् ।
सुरेश उप्रेतीको निर्माण तथा निर्देशनमा तयार भएको फिल्मलाई तारा थापा किम्भेले सम्पादन गरेका छन् । बिमल भट्टराइको छायाँकन छ । निलम उप्रेती कार्यकारी निर्माता रहेको फिल्ममा निर्माता समेत रहेका सुरेशसँगै दुर्गा साउत, विकास चौलागाइँ, दीपक डोटेल, मुना प्रसाइँ, दिक्षा आचार्य, प्रदिप अधिकारी, सपना श्रेष्ठ, अनु ढुङ्गाना लिड अभिनयमा छन् ।
फिल्मको कथा पनि सुरेश उप्रेतीको नै हो । कोरियोग्राफी गम्भिर बिष्टको रहेको छ । निलम उप्रेतीले बिमलसँग संगीत संयोजनमा साझेदारी गरेकी छिन् ।
