ट्रेलरमा हेर्नुहोस् कमेडीले भरिपुर्ण दशैँ रिलिज ‘जय भोले’ (भिडियो)
दशैँ रिलिज फिल्म ‘जय भोले’को अफिसियल ट्रेलर रिलिज भएको छ । रिलिजको लागी करिब १ महिना मात्रै बाँकी हुँदा निर्माण टिमले राजधानीमाआयोजित एक काार्यक्रमका बीच मिडियाकर्मी तथा फिल्मकर्मीको माझ ट्रेलर रिलिज गर्यो ।
ट्रेलरलाई मुख्यतः कमेडी बनाइएको छ । मुख्य कलाकार खगेन्द्र लामिछाने, सौगात मल्ल, स्वस्तिमा खड्का, सलोन बस्नेत, राजाराम पौडेल, जयानन्द लााम, बुद्धी तामाङ, लक्ष्मी गिरी लगायत ट्रेलरमा फिचर छन् । कमेडी पाटोलाई जोडिए पनि फिल्ममा सेन्टिमेन्ट पनि उत्तिकै रहेको निर्देशक तथा निर्माता अशोक शर्माले बताए ।
फिल्मको ९० प्रतिशत पाटो ट्रेलरमा समेटिएको भन्दै शर्माले नेपाली दर्शकलाई दशैँमा मनोरञ्जनको बिशुद्ध खुराक बनेर ‘जय भोले’ बन्ने उनको दाबी थियो । कलाकारहरु सबैले ट्रेलरबाट उत्साहित बताउँदा अभिनेत्री स्वस्तिमा भने कार्यक्रममा उपस्थित थिइनन् ।
दशैँ रिलिज घोषणा गर्दा फिल्मको आधिकारिक रिलिज डेट कुन भन्ने निर्माण टिमले खुलाएको छैन । निर्देशक शर्माले घटस्थापनालाई संभावित रिलिज मिति बोलेका छन् । ट्रेलरलाई शाहिल खानल काटेका छन् भने फिल्मलाई पुरुषोतत्म प्रधानले खिचेका छन् । फिल्मको कथा खगेन्द्र लामिछानेले लेखेका हुन् ।
