बलिउडका सर्वाधिक महंगा ७ आइटम गर्ल, जान्नुहोस् कसको पारिश्रमिक कति ?
आइटम गीत बलिउडमा मात्र होइन, नेपाली गीतमा पनि अहिले अनिवार्यजस्तै भएको छ । यही गीतले गर्दा फिल्मको प्रचार पनि हुने गर्छ । बलिउडमा करीना कपूरदेखि लिएर दीपिका पादुकोणसम्मले आइटम गीत गर्ने गर्छन् । तीमध्ये केहीले भने मंहगो पारिश्रमिक लिने गर्छन् ।
यहाँ हामी तपाईंलाई बलिउडमा सर्वाधिक पारिश्रमिक लिने ७ आइटम गर्लको बारेमा तपाईँमाझ जानकारी गराउँदैछौँ ।
सन्नी लियोन
सन्नी लियोन आइटम गीत गरेवापत सबैभन्दा धेरै पारिश्रमिक लिने नायिका हुन् । उनले शाहरुख खानको फिल्म ‘रइस’ मा पनि आइटम गीत गरेकी छिन् । उनले एउटा गीतको ४ करोडसम्म लिने गरेकी छिन् ।
उनी एक नेपाली फिल्ममा पनि आइटम डान्स गर्दैछिन् । लण्डनमा छायाँकन हुने फिल्म ‘पासवर्ड’मा सन्निले आइटम मात्र गर्नेछैनन् नेपाली अभिनेता अनुपबिक्रम शाहिसँग केहि दृश्य पनि सेयर गर्नेछिन् । उनले नेपाली फिल्मको आइटमको लागी २ करोड बराबर पारिश्रमिक लिएको दाबी निर्माण टिमले गरेको छ ।
प्रियंका चोपडा
प्रियंका चोपडाले ‘राम जाने’ मा गज्जबको आइटम डान्स गरिसकेकी छिन् । उनले एउटा गीतमार्फत ३ करोडसम्म लिने गर्छिन् । तर उनी जस्तो पायो त्यस्तो फिल्ममा भने आइटम डान्स गर्दिनन् ।
कट्रिना कैफ
चिकनी चमेली र शिलाकी जवानी जस्ता चर्चित गीतमा आइटम डान्स गरेकी कट्रिना कैफ तीन करोड रुपैयाँ लिने गर्छिन् । तर, उनी सम्बन्धका आधारमा मात्र आइटम डान्स गर्ने गर्छिन् ।
दीपिका पादुकोण
काट्रिनाले जस्तै दीपिका पादुकोणले पनि आफ्ना प्रिय निर्माता या निर्देशकका फिल्ममा मात्र काम गर्छिन् । उनले एउटा आइटम गीत गरेवापत ३ करोड लिने गर्छिन् ।
ज्याक्लिन फर्नाडेज
‘बागी २’ मा ज्याकलिन फर्नान्डेज ‘एक दुई तीन’ गीतमा आइटम डान्स गरेकी थिइन् । तर, उनको गीत खासै हिट भने भएन । उनले लगभग २ करोड लिने गर्छिन् ।
मलाइका अरोरा
मलाइका अरोराले पछिल्लो समय भने आइटम गीतमा खासै रुचि दिएकी छैनिन् । तर, उनको पारिश्रमिक २ करोड रुपैयाँ छ ।
उर्वशी रौटेला
अरुको तुलनामा यिनको पारिश्रमिक केही कम छ । उनको आइटम डान्स ‘सारा जमाना’ निकै हिट भएको थियो । उनले करीब ५० लाख पारिश्रमिक लिने गर्छिन् ।
समाचार श्रोतः वेभदुनिया
तश्विरहरुः गुगल
