फिल्म शिक्षामा कान्तिपुरको अग्रसरता, पोखरामा ६ दिने वर्कशप पक्का
फिल्म लेखन र निर्माण सम्बन्धी शैक्षिक कार्यक्रम लिएर देश दौडाहामा रहेको कान्तिपुर फिल्म एकेडेमीको एक हप्ते फिल्म मेकीङ्ग वर्कशप पर्यटकिय नगरी पोखरामा तय भएको छ । यहि भाद्र २४ गते देखी २९ गते सम्म पर्यटकीय सुन्दर नगरी पोखरामा फिल्म शिक्षासम्बन्धी कार्यशाला चल्नेछ ।
यो भन्दा अगाडी पोखरामा फिल्म सुटीङ्ग, फिल्म फेस्टीबल, अवार्ड कार्यक्रम तथा फिल्म कम्पीटीसनहरु हुँदै आइरहेता पनी यो प्रकारको चलचित्र सम्बन्धी शैक्षिक कार्यक्रम सम्भवत पहिलो पटक हुन लागेको एकेडेमीको दाबी छ ।
पछिल्लो समय फिल्म निर्माण र प्रदर्शन सम्बन्धी सर्ट फिल्म, डकुमेन्ट्री फिल्म, वेभ सिरीज, म्युजिक भिडीयो, टेलिभीजन कार्यक्रम, युट्युव प्रोग्राम, कमर्सीयल भिडीयो लगायतका प्लेटफर्ममा पनी राम्रो करियर र कमाई देखीन थालेपछी युवा पुस्तामा फिल्म मेकीङ्गमा थप चासो बढेको पाइरहँदा कतीपय ईन्डीपेन्डेन्ट न्यू फिल्म मेकरहरु रुची र कन्सेप्ट भएर पनी फिल्म निर्माण सम्बन्धी शैद्धान्तीक तथा प्राविधीक ज्ञान नहुनाले काम गर्न नसकीरहेको समस्यालाई मध्यनजर गर्दै यो प्रकारको शैक्षिक अभियान सुरु गरिएको कान्तिपुर फिल्म एकेडेमीका सिइओ प्रकाश पुरीले बताए ।
पुर्वको विर्तामोडबाट सुरु भएको वर्कशप ईटहरी, हेटौडा, दाङ्ग, नारायणघाट पछी पोखरामा हुन लागेको हो । पोखरा पछी बुटवल, नेपालगञ्ज हुदै धनगढीमा पुगेर वर्कशप सकिने बताइएको छ । मुख्यतया वर्कशप फोटोग्राफी, सिनेमाटोग्राफी, स्कृप्ट राईटीङ्ग, डाईरेक्सन र फिल्म निर्माणमा केन्द्रित हुनेछ । चलचित्र सम्बन्धी ईच्छा भएका र सिक्न चाहने जो कोहीले पनी वर्कशपमा सहभागी हुन सक्नेछन् । यस्ता प्रकारको वर्कशपले नया पुस्तालाई फिल्म मेकीङ्गमा प्रोत्साहन गर्ने र उनिहरुको काममा प्रत्यक्ष असर देखीने गरेको पुरीले बताए ।
पोखरामा हुन लागेको उक्त वर्कशपको लागी ‘हाईवे तथा कालो पोथी’का राइटर अविनास बिक्रम शाह, ‘हिफाजत, अन्दाज, दशगजा, मंगलम’ लगायत दर्जनौ फिल्मका सिनेम्याटोग्राफर बिष्णु कल्पित घिमिरे र सिईओ पुरीले प्रशिक्षण दिनेछन र वर्कशपमा सहभागी विद्यार्थीहरुलाई हौसला तथा प्रोत्साहनको लागी कलाकार दिपकराज गिरी पनी उपस्थित हुनेछन् ।
