कथा काठमाडौं ट्रेलर रिलिजः गीतमा भन्दा झनै बोल्ड प्रियंका (भिडियो)

पहिलो गीत रिलिजसँगै अभिनेत्री प्रियंका कार्की र अभिनेता प्रमोद अग्रहरीबीचको इन्टिमेट दृश्यले चर्चा तथा आलोचना खेपेको फिल्म ‘कथा काठमाडौं’को ट्रेलर रिलिज भएको छ । ट्रेलरमा प्रियंका र प्रमोदका थप बोल्ड दृश्य समावेश छन् ।

काठमाडौंमा टिक्न युवा युवतीले पैसाको लागी मान्छे बेच्न र सर्वस्व सुम्पिन तयार हुनुपर्नेसम्मको कथा पेश गरेको फिल्ममा तीन जोडी भिन्न भिन्न अबतारमा प्रस्तुत छन् । प्रियंका र प्रमोदको कथासँगै सन्ध्या केसी र सञ्जोग कोईराला अनि आयुष्मान देशराज जोशी र प्रेक्षा अधिकारी फिल्ममा लिड अभिनयमा छन् ।

संगीता श्रेष्ठको निर्देशनमा बनेको फिल्म आगामी असोज १२ बाट प्रदर्शनमा आउँदैछ । ‘कथा काठमाडौं’लाई बिजय राईले निर्माण गरेका हुन् भने छायाँकन लुजाव सिंहको छ । निर्देशक श्रेष्ठकै कथामा तयार भएको फिल्मलाई मित्र डि. गुरुङले सम्पादन गरेका छन् ।