ट्रेलरमा हेर्नुहोस् धमला पत्नि एलिजाको ‘अनुराग’ (भिडियो)
पत्रकार ऋषि धमालाको प्रस्तुतीमा धमला पत्नि एलिजा गौतमको डेब्यू अभिनयमा तयार फिल्म ‘अनुराग’को ट्रेलर रिलिज भएको छ । असोज १२ लाई प्रदर्शन मिति तय गरिएको फिल्मको शुक्रबार ट्रेलर रिलिज गरियो ।
ट्रेलरमा माया-प्रेम तथा रोदन जोडिएको छ । प्रेमकथा बोल्ने यो फिल्ममा एलिजासँगै समुन्द्र पण्डितले मुख्य भुमिका निभाएका छन् । समुन्द्रको लागी पनि यो फिल्म डेब्यू हुनेछ ।
सत्यराज चौलागाइँको निर्देशनमा बनेको फिल्ममा सरोज खनाल, रुपा राना, राजाराम पौडेल, मोहन निरौला, शिशिर राणा लगायत लिड अभिनयमा छन् ।
किरण दाहालको कथामा बनेको फिल्मलाई रामकुमार केसीले खिचेका हुन् । एफडी कम्पनि र बिके फिल्मस् ले ‘अनुराग’लाई बितरणको जिम्मा लिएका छन् ।
