साम्राज्ञी र धिरज स्टारर ‘इन्टु मिन्टु लण्डनमा’अफिसियल ट्रेलर रिलिज
साम्राज्ञी राज्यलक्ष्मी शाह र धिरज मगर स्टारर फिल्म ‘इन्टु मिन्टु लण्डनमा’को अफिसियल ट्रेलर रिलिज भएको छ । असोज ५ लाइ प्रदर्शन मिति तय गरिएको फिल्मको मंगलबार ट्रेलर रिलिज गरियो । ट्रेलरमा प्रेम, द्वन्द्व तथा रोदन समावेश छ ।
फिल्मको यसअघि सार्वजनिक गीत र टिजरले दर्शकबाट साथ पाइसकेको छ । अवेटेड सुचीमा फिल्म परिसकेको छ ।
रेनश बान्तवा राईको निर्देशनमा यो फिल्म तयार भएको हो । कोरियोग्राफरमा सफल रेनशा पहिलो पटक ठुलोपर्दाको फिल्म निर्देशनमा जुटेकी हुन् । आइकोर फिल्मस् को लागी प्रभु शमशेर जबरा र प्रज्वल शमशेरले फिल्म निर्माण गरेका हुन् ।
लण्डनमा छायांकन गरिएको फिल्मको कथा रेनशा र निर्माता प्रज्वलको हो । शैलेन्द्र डि कार्कीले फिल्म खिचेका हुन् । यो फिल्ममा साम्राज्ञी र धिरजसँगै सारुक ताम्राकार, बिजय लामा, अर्जुन श्रेष्ठ, दिलभुषण पाठक, रुबी राना, विवेक लिम्बु, सुनिता ठाकुर लगायत लिड अभिनयमा छन् ।
