यस्तो बन्यो प्रशान्तले पहिलो पटक कम्मर मर्काएको गीत (भिडियो)

हेण्डसम भिलेनको उपमा पाएका कलाकार प्रशान्त ताम्राकारले संभवतः पहिलो पटक कुनैपनि नेपाली फिल्मको गीतमा नृत्य गरेका छन् । प्रशान्तले अभिनय गरेको फिल्म ‘कस्मिक लभ’को हालै गीति भिडियो सार्वजनिक भयो ।

भिडियोमा प्रशान्तलाई अभिनेत्री दिया मास्केसँग जोडी बाँधेको भेटिन्छ भने सँगसँगै अन्य लिड कलाकार पूजन थापा, रिजन थापा, राजाराम पौडेललाई पनि देख्न सकिन्छ । गीतमा रविन शाहले कोरियोग्राफी गरेका छन् ।

दिनेश सुवेदीको शब्दमा बबुल गिरीले संगीत भरेको गीतमा स्वर रामचन्द्र काफ्ले र लक्ष्मी साङ्तेनको छ । बाबु बलामी र एसके अधिकारी निर्देशित फिल्म यतिबेला छायाँकनकै दौरानमा छ ।