बक्सअफिसमा आक्रामक बिजनेसः जान्नुहोस् ‘नाइ नभन्नु ल ५’ तीन दिने कलेक्सन
शुक्रबारबाट देशब्यापी प्रदर्शनमा आएको फिल्म ‘नाइ नभन्नु ल ५’ ले नेपाली बक्सअफिसमा आक्रामक सुरुवात गरेको छ । संयोगबस पर्व र बिदाको मौका पाएको फिल्मले प्रदर्शनको पहिलो तीन दिनमा यो बर्ष रिलिज सबै फिल्मको भन्दा आफ्नो बिजनेस अब्बल देखाएको छ ।
शुक्रबार ४६ लाख आसपाको ग्रस बिजनेस गरेको फिल्मले शनिबार मात्रै अलनेपाल १ करोड बढिको बिजनेस गरकेो थियो । यस्तै आइतबार जनैपुर्णिमाको दिन राष्ट्रिय बिदा नपर्दैगर्दा पनि फिल्मको बिजनेस रोकिएन । फिल्मले आइतबार पनि ७५ लाख आसपासको बिजनेस गर्न सफल भयो ।
फिल्मले हालसम्म २ करोड २० लाख बढिको कलेक्सन गर्न सफल भएको छ । मल्टिप्लेक्समा आइतबार पनि ७० प्रतिशत माथीको अकुपेन्ससी कायम थियो । निर्देशक विकासराज आचार्य राजधानीका केहि हलमा पुगेर दर्शकसँग साक्षात गरेका थिए ।
सामिप्यराज तिमिल्सिनाको लेखनमा बनेको फिल्ममा अनुभव रेग्मी, सेड्रिना शर्मा, स्वस्तिमा खड्का, प्रियंका कार्की, केकी अधिकारी, अभिषेक नेपाल, दिलिप रायमाझी, निरुता सिंह लगायत लिड अभिनयमा छन् । फिल्ममा फेमिली दर्शक बढि देखिएका छन् ।
