बाहिरियो अनमोलको खेलाडी अबतार, ‘क्याप्टेन’ अफिसियल पोस्टर रिलिज
अनमोल केसी स्टारर फिल्म ‘क्याप्टेन’को अफिसियल पोस्टर रिलिज भएको छ । निर्देशक दिवाकर भट्टराईले सामाजिक सञ्जालमार्फत शनिबार फिल्मको आधिकारिक पोस्टर सार्वजनिक गरे ।
पोस्टरमा नेपालको जर्सी अनि क्याप्टेनको भुमिका अनमोलमा झल्केको छ । जीतको लागी मैदान छिरेको एक आक्रामक खेलाडीको लुक्समा अनमोललाइ प्रस्तुत गरिएको छ । उनले लगाएको ११ नम्बर जर्सीलाई पनि निर्देशकले चित्रित गरेका छन् ।
फिल्मको प्रदर्शन मिति तय नहुँदा कार्तिक महिनामा रिलिजको चर्चा सिनेबृत्तमा छ । फिल्मलाई भुवन केसीले निर्माण गरेका हुन् । अनमोलसँगै उपासना सिंह ठकुरी, प्रियंका एमभी, सुनिल थापा, सरोज खनाल, प्रशान्त ताम्राकार, विल्सनबिक्रम राई लगायत यो फिल्ममा लिड अभिनयमा छन् ।
‘क्याप्टेन’मा चन्द्र पन्तको द्वन्द्व, अर्जुन पोखरेलको संगीत समावेश छ । नवराज उप्रेतीले क्यामेरा चलाएका छन् ।
