पूजा र आकाशको ‘रामकहानी’ रोमान्टिक गीत रिलिज

भदौ २२ बाट प्रदर्शनमा आउन लागेको फिल्म ‘रामकहानी’को रोमान्टिक नम्बर रिलिज भएको छ । सार्वजनिक गीतमा लिड कलाकार पूजा शर्मा र आकाश श्रेष्ठ फिचर छन् । पूजा र आकाशको रोमान्स, रोदन र प्रेम गीतमा झल्केको छ ।

गीतको भिडियोमा अधिकांश ‘मोन्टाज’ दृश्य प्रयोग गरिएको छ । ‘आएँ म तिम्रो छेउ’ बोलको गीतमा शब्द संगीत अर्जुन पोखरेलको छ । सुगम पोखरल र अञ्जु पन्तको स्वर समावेश छ । एरेञ्जको काम महाराज थापाले गरेका छन् ।

सुदर्शन थापा निर्देशित फिल्ममा जितु नेपाल, केदार घिमिरे, विल्सनबिक्रम राई, रविन्द्र झा, राजाराम पौड्याल लगायतलाई पनि लिड रोलमा देख्न सकिनेछ ।