३ दिनमा ‘ब्ल्याक’ लाई १ करोड
फिल्म ‘ब्ल्याक’ले प्रदर्शनको तीन दिनमा १ करोड ग्रस कलेक्सन गरेको निर्माण टिमले बताएको छ । निर्मात्री आश्मा पाण्डेले प्रदर्शनको तेश्रो दिनसम्म आइपुग्दा फिल्मले १ करोड १० लाखको ग्रस बिजनेस गरेको बताइन् ।
आँचल शर्मा र आकाश श्रेष्ठ स्टारर फिल्मको ओपनिङ बम्पर देखिएको थियो । शनिबार बिदाको दिन फिल्मले प्राप्त अधिकांश शोजहरुमा हाउसफुल बिजनेस गरेको थियो । फिल्मको सुरुवाती बिजनेसले आँचल शर्मा र आकाश श्रेष्ठको स्टारडम पनि प्रमाणित गरेको छ ।
सुरुवाती दिनमा दर्शकले दिनुभएको साथ र मायाले उत्साहि छु, पाण्डेले भनिन्, ‘वर्ड अफ माउथ’ राम्रो मिलेको छ, दोश्रो हप्ता पुग्दासम्म दर्शकको फ्लो नघट्नेमा ढुक्क छु ।’
त्यसो त शनिबार राजधानीका केहि हलमा पुग्दा आकाश र आँचलको क्रेज राम्रो पाइएको थियो । जहाँ हाउसफुल दर्शकले ‘ब्ल्याक २’ को माग सम्म राखेका थिए । फिल्मले १ करोड ग्रस गरिसक्दा पनि लगानी पुर्णतः रिकभर हुनलाई यो पैसा पर्याप्त हुनेछैन । दोश्रो हप्तामा पनि फिल्मले राम्रो दर्शक पाउन आवश्यक हुनेछ ।
