आयुष्मानसँग पैसा नहुँदा प्रियंका फकाउन गाह्रो ! (भिडियो)
फिल्म ‘चङ्गाचेट’को अफिसियल गीत रिलिज भएको छ । सोमबार राजधानीमा आयोजित एक कार्यक्रमका बीच निर्माण टिमले फिल्ममा समावेश ‘गोजीमा दाम छैन’ बोलको गीत रिलिज गरियो ।
गीतमा मुख्य पात्रहरुलाई तीन जोडीको रुपमा प्रस्तुत गरिएको छ । प्रियंका कार्कीसँग आयुष्मान देशराज जोशीले जोडी बाँध्दा सुरक्षा पन्तसँग रविन्द्र झा र परमिता आरएल रानासँग सन्दिप क्षेत्रीले जोडी बाँधेका छन् । फिल्मको गीतलाई कमेडी बनाउन खोजिएको छ ।
डार्क कमेडी जनरामा बनेको फिल्मलाई दिपेन्द्र के खनालले निर्देशन गरेका हुन् । माधव वाग्ले र शर्मिला पाण्डेको निर्माणमा बनेको फिल्मको सार्वजनिक गीतमा स्वर राजनराज शिवाकोटी, मेलिना राई र बाल गायिका गृष्मा शिवाकोटीको छ भने लोक फ्लेभर झल्काउने संगीत राजनराजले नै भरेका छन् । गीतको शब्द हरिहर तिमिल्सिनाले लेखेका हुन् ।
निर्माता वाग्ले नक्कली पैसाको लफडामा जेलसम्म पुग्ने अबस्था आएपछि अदालतमा परेको मुद्धा अहिले पनि बिचाराधिन छ । यसका बीच वाग्ले धरौटीमा रिहा भएपश्चात निर्माण टिमले पहिलो प्रचार सामग्री बाहिर ल्याएको हो ।
