७ बर्षिय आयुवको ‘मेरी मामु’ ट्रेलर रिलिज (भिडियो)
फिल्म ‘मेरी मामु’को ट्रेलर रिलिज भएको छ । सांगितिक रुपमा पहिलो गीत सार्वजनिकपछि सशक्त देखिएको फिल्मको बिहिबार आयोजित एक कार्यक्रमका बीच ट्रेलर रिलिज गरियो ।
प्रचारका विभिन्न प्रयोग गर्न माहिर निर्माता सन्तोष सेनले यो पटक पनि केहि फरक गर्ने प्रयास गरे । ललितपुर स्थित डिएबी स्कुलमा १ हजार बराबर विधार्थीहरुको उपस्थितीमा निर्माण टिमले ट्रेलर रिलिज गरेको हो । १५ बर्ष मुनिका स्कुले विधार्थीहरुले आयुवको कामको प्रशंसा गर्दै प्रदर्शनमा आएपश्चात परिवार लिएर हलमा पुग्ने बाचा गरेका थिए ।
भदौ १५ बाट प्रदर्शनमा आउने फिल्मको सार्वजनिक ट्रेलर सस्पेन्स लाग्छ । निर्देशक यम थापाले दर्शकलाई कौतुहल बनाउने प्रयास गरेका छन् । ट्रेलरमा आमाको माया पाउन बालक छोराले गर्नुपरेको संघर्षका पाटोहरु जोडिएको छ ।
बाल मनोविज्ञानमा आधआरित भनिएको फिल्ममा आयुवसँगै सारुक ताम्राकार, कुसुम गुरुङ, अश्लेशा ठकुरी र दुर्गा मल्ल लिड रोलमा छन् । फिल्मको स्कृप्ट पनि निर्देशक थापाको नै हो ।
