‘एजुकेशन फेयर’मा एकसाथ साम्राज्ञी र मनोज गजुरेल
पछिल्लो पुस्ताकी चर्चित अभिनेत्री साम्राज्ञी राज्यलक्ष्मी शाह फिल्ममा जति डिमाण्डेड छिन् उत्तिकै रुपमा स्टेज कार्यक्रममा पनि डिमाण्डेड छिन् । जहिँकतै नदेखिने अनि नपुग्ने कारण नै उनको खोजी अन्य अभिनेत्रीको तुलनामा बढि हुन्छ । यसैले त उनलाई फ्लो गर्ने अनि खोज्ने र रोज्नेहरुको जमात बढ्दो छ ।
यो बीचमा अब भने साम्राज्ञी राजधानीको एक तारे होटलमा आयोजना हुने ‘एजुकेशन फेयर’ नामको कार्यक्रममा उपस्थित हुने भएकी हुन् । साम्राज्ञीले उक्त कार्यक्रममा आफ्नो प्रस्तुती पनि दिनेछिन् । उपस्थित दर्शक तथा शुभचिन्तक नि बिधार्थीहरुसँग साक्षात्कार गर्नेछिन् ।
यहि शनिबार दरबारमार्ग स्थित होटल अन्नपुर्णमा हुने कार्यक्रम एजुकेशन एण्ड माइग्रेसन कर्नरले आयोजना गर्न लागेको हो । साम्राज्ञी यो कम्पनिकी ब्राण्ड एम्बेस्डर पनि हुन् । साम्राज्ञीसँगै उक्र कार्यक्रममा लोकप्रिय हाँस्य कलाकार मनोज गजुरेलले पनि प्रस्तुती दिने पक्का भएको छ ।
उक्त ‘एजुकेशन फेयर’मा उच्च अध्ययनका निम्ती अष्ट्रेलिया लगायतका मूलुकमा जान चाहने बिधार्थीहरूलाई मनोरन्जन र सन्देशमूलक तरिकाले सुझाव र सल्लाह दिने उद्देश्य जोडिएको आयोजक संस्थाका अध्यक्ष सुनिल उप्रेतीले बताए । कार्यक्रममा साम्राज्ञीले आफ्ना अनुभव , सोच र शिक्षाका बारेमा उपलब्ध बिधार्थीहरूसँग भलाकुसारी गर्नेछिन ।
तश्विर श्रोतः गूगल
