रीता कट्टेल स्टारर डान्सिङ नम्बर ‘जालैमा जालैमा’ रिलिज (भिडियो)
भनिन्छ प्रतिभाको खोजी गर्नुपर्छ तपाइँको आँखा अगाडी नै घुमिरहेका हुन्छन् । कसैले अबसर नपाएका हुनसक्छन् त कोहि उपयुक्त समयको पर्खाइमा हुन्छन् । यसरी नै सामाजिक सञ्जालमा लगातार अपडेट भइरहने धेरैतिरबाट संभावनावान सुन्दरीको उपमा पाएकी रीता कट्टेलले यतिबेला नेपाली रंगीन नगरीमा उदाउँदो नक्षत्रको रुपमा पाइला राखेकी छिन् ।
धेरैतिरबाट फिल्मदेखि मोडलिङको अफर पाएकी तर उपयुक्त समयको पर्खाइमा रहेकी रीताले हालै एक भिडियो मार्फत रंगीन नगरीमा आफ्नो उपस्थिती जोडेकी छिन् । पेशाले भिजे रहेकी रीता पछिल्लो चार बर्षयता बिराटनगर स्थित मकालु टेलिभिजनमा कार्यक्रम प्रस्तोताको रुपमा सकृय छिन् ।
यो बीचमा विभिन्न स्टेज कार्यक्रमको सञ्चालनमा पनि आफ्नो सकृयता बढाएकी रीताले २०१५ मा रिलिज फिल्म ‘सेतोबाघ’मा पनि आफुलाई जोड्ने प्रयास गरेकी छिन् । उनै रीताले मोडलिङमा डेब्यू गरेको पहिलो गीति भिडियो बुधबार मात्रै सार्वजनिक भएको हो ।
‘वाइल्ड रिपर्ज क्रू’को डान्सिङ नम्बर ‘जालैमा जालैमा’मा रीताले मोडलिङ गरेकी छिन् । सन्तोष कालिकोटेका शब्द रहेको गीतमा संगीत डम्बर हिङमाङले भरेका छन् भने शब्द पनि डम्बरको नै छ ।
‘वाइल्ड रिपर्ज क्रू’सँगै रीता फिचर भिडियोलाई अर्जुन अधिकारीले निर्देशन गरेका छन् । निशान घिमिरेले सम्पादन गरेको भिडियोलाई उत्सव दाहालले छायांकन गरेका हुन् ।
