आर्यनको अङ्गालोमा बोल्ड सृष्टि, ‘बाँध मायाले’ शीर्ष गीत रिलिज (भिडियो)
फिल्म ‘बाँध मायाले’को शीर्ष गीत रिलिज भएको छ । आगामी असोज ५ लाई प्रदर्शन मिति तय गरिएको फिल्मको राजधानीको क्यूज सिनेमाज मा आयोजित एक कार्यक्रमका बीच टाइटल गीत रिलिज गरियो ।
गीतमा मुख्य कलाकार आर्यन अधिकारी र अभिनेत्री सृष्टि श्रेष्ठ फिचर छन् । सृष्टिलाई आर्यनको अङ्गालोमा बोल्ड अबतारमा देख्न सकिन्छ । गीतको संगीत मधुर लाग्छ भने शब्दहरु झट्ट मनमा बस्ने प्रकारका छन् ।
सबिर श्रेष्ठ निर्देशित फिल्मले प्रेमकथा बोल्छ । कविराज गहतराजले सार्वजनिक गीतमा कोरियोग्राफी गरेका छन् । अर्जुन पोखरेलको शब्द तथा संगीत छ भने स्वर अञ्जु पन्त र सुगम पोखरेलको छ ।
फिल्म ‘बाँध मायाले’ मा आर्यन र सृष्टिसँगै राजाराम पौडेल, रविन्द्र प्रतास सेन, विशाल चाम्लिंगको अभिनय छ । यसै फिल्मबाट किशोर खड्काले नव अभिनेताको रुपमा डेव्यु गर्दैछन् ।
