अब जथाभावी गर्दिनँ: बिपिन कार्की
पछिल्लो पटक अभिनेता बिपिन कार्कीलाई जथाभावी फिल्म खेपेको भन्ने आरोप लाग्ने गरेको छ । त्यसो त केहि महिना पहिलेको सिनारी हेर्ने हो भने हरेकहप्ता जसो पर्दामा बिपिन आएका उदाहरण थिए । भर्सटाइल अभिनेताको उपमा पाएका बिपिनले पात्रलाई राम्रो न्याय गर्नसक्छन् तर दुर्भाग्य उनको लिड अभिनय रहेका पछिल्ला केहि फिल्म व्यवसायिक रुपमा सफल छैनन् ।
फिल्म ‘जात्रै जात्रा’को छायांकनको कुरा हुँदै गर्दा हालै उनले ‘गोपी’ नामको प्रोजेक्टमा आफुलाइ जोडे । मंगलबार राजधानीमा आयोजित एक प्रेस भेटघाटका क्रममा बिपिनलाई मिडियाकर्मीको प्रश्न तेर्सियो । जथाभावी फिल्म गर्ने देखि आफ्नो क्यारेक्टर आफै बनाउनेसम्मका आरोपहरुको बारेमा उनले पत्रकारहरुको जिज्ञाशा मेटाए ।
‘मेरो काम निर्देशकलाई खुशी बनाउने, राम्रो भन्दा राम्रो काम देखाउने मेरो उद्देश्य हुन्छ बिपिनले भने, ‘आफ्नो क्यारेक्टर आफै बनाउन लागेको पनि छैन, जथाभावी गरेको छु जस्तो पनि लाग्दैन ।’
खगेन्द्र लामिछानेले छोडेको ‘गोपी’मा आफ्नो अनुबन्धतालाई प्रष्ट्याउँदै बिपिनले स्कृप्ट मनपरेको देखि सिनेमाटोग्राफर, निर्देशक सबैमा ढुक्कता भएको कारण प्रोजेक्टमाथी कन्फिडेन्स बढेको बताए ।
तश्विरः गुगल
