‘मेरी मामु’ अफिसियल पोस्टर रिलिज
फिल्म ‘मेरी मामु’को अफिसियल पोस्टर सार्वजनिक गरिएको छ । बालमनोविज्ञानको कथामा बनेको फिल्मको सार्वजनिक चार पोस्टरमा मुख्यतः बाल कलाकार आयुव सेनलाई फिचर गरिएको छ । फिल्म भदौ १५ बाट प्रदर्शनमा आउँदैछ ।
आयुवका मलिन अबतार पोस्टरमा झल्केका छन् । सँगसँगै लिड अभिनेता सारुक ताम्राकार, अभिनेत्री अश्लेशा शाही ठकुरी र नव अभिनेत्री कुसुम गुरुङ पनि फिचर छन् । दुर्गा मल्ललाई पनि फिल्ममा मुख्य भुमिकामा देख्न सकिन्छ ।
सन्तोष सेनको निर्माण तथा आशुसेन फिल्मस् को ब्यानरमा बनेको फिल्मलाई यम थापाले निर्देशन गरेका छन् । फिल्मक ोकथा पनि निर्देशक थापाको नै हो ।
हालै मोफसलको स्कुल केन्द्रित प्रचार सकाएर काठमाडौं फर्केको निर्माण टिम केहि दिनमा नै ट्रेलर रिलिज तयारीमा छ । निर्माता सेनले बालक अनि उनको आमाप्रतिको अगाध प्रेमलाई ‘मेरी मामु’ले समेट्ने प्रयास गरेको बताए । ‘हरेक आमाहरुले हेर्नेपर्ने फिल्म बनेको छ’, उनको भनाइ थियो ।
