‘रामकहानी’ ट्रेलर रिलिज, हेर्नुहोस् पूजाको भूत अबतार ! (भिडियो)
भदौ २२ गतेबाट प्रदर्शनमा आउने फिल्म ‘रामकहानी’को ट्रेलर रिलिज भएको छ । राजधानीको क्यूज हलमा आयोजित एक कार्यक्रमका बीच निर्माण टिमले ट्रेलर रिलिज गर्यो । ट्रेलरमा यसअघि कहिँकतै पनि नखुलाइएको अभिनेत्री पूजा शर्माको (हरर) भूत अबतार जोडिएको छ ।
कमेडी फिल्म भनेर प्रतिक्षा गरेका दर्शकलाई हरर दृश्यले ‘कन्फ्यूज’ त बनाउँदैन भन्ने प्रश्नमा निर्देशक तथा निर्माता सुदर्शन थापाले फिल्म बिसुद्ध प्रेम कथामा बनेको र अन्य प्लटहरु त्यसको निरन्तरतामा मात्रै जोडिएको दाबी गरे ।
फिल्मको ट्रेलरमा लिड कलाकारहरु पूजासँगै आकाश श्रेष्ठ, जितु नेपाल, केदार घिमिरे, विल्सनविक्रम राई, रविन्द्र झा लगायत फिचर छन् । राजाराम पौडेल, सुनिता श्रेष्ठ, शिशिर राणा, सोभित बस्नेत पनि फिल्ममा लिड अभिनयमा छन् ।
सौरभ लामाले खिचेको फिल्ममा संगीत अर्जुन पोखरेलको छ । कोरियोग्राफी कबिराज गहतराजले गरेका छन् । ‘रामकहानी’को कथा निर्देशक थापाको नै हो ।
