बर्षाको लागी अनुप र प्रशान्त टकराव, एक्सनले भरिपुर्ण ‘जय शम्भु’ ट्रेलर (भिडियो)
एक्सन प्रधान फिल्म ‘जय शम्भु’को ट्रेलर रिलिज भएको छ । आइतबार साँझ सार्वजनिक ट्रेलरमा ‘फूल प्याक’ एक्सन समावेश छ । अभिनेता अनुपबिक्रम शाही र प्रशान्त ताम्राकार एक आपसमा भिडेका छन् ।
नेपाली फिल्म उधोगमा हेण्डसम भिलेनको रुपमा परिचिय अनुप र प्रशान्त पहिलोपटक आमने सामने भएका हुन् । खलपात्रमा चलेको दुई नाम अनि पछिल्लो क्रमका सर्वाधिक ‘डिमाण्डेड’ स्टार एक आपसमा भिडेको यो फिल्मको ट्रेलर रिलिजसँगै दर्शकको लागी प्रतिक्षित बन्नसक्छ ।
ट्रेलरले इनिसियल रुपमा सकारात्मक प्रतिक्रिया पाएको छ । युट्युवमा दर्शकहरुले ‘वेष्ट एक्सन प्याक’ फिल्मदेखि ‘वाउ’ र खतरनाक एक्सनको संज्ञासहितका कमेन्ट व्यक्त गरेका छन् । अनुप र प्रशान्तका फ्यानहरुले छुटाउन नहुने प्रतिक्रिया राख्दा धेरैको कमेन्ट फिल्मलाई प्रतिक्षा गरिरहेको प्रकारको छ ।
रुपेश तामाङको निर्देशनमा बनेको फिल्ममा एक्सन निर्देशन श्री श्रेष्ठको छ । अनुप र प्रशान्तसँगै बर्षा शिवाकोटी, रोशन महर्जन, करुणा पाण्डे फिल्ममा लिड अभिनयमा छन् । शिक्षा काफ्लेको कथामा बनेको फिल्मलाई हरी घले लामाले खिचेका हुन् ।
अर्विन्द्रमान शाक्य निर्माता रहेको फिल्मका प्रस्तुतकर्ता दिनेश शाही हुन् । चक्र पाख्रिन कार्यकारी निर्मातामा छन् ।
