आमाको माया सम्झाउने मेरी मामु: अफिसियल गीत रीलिज (भिडियो)
भदौ १५ बाट प्रदर्शनमा आउने फिल्म ‘मेरी मामु’को अफिसियल गीत रीलिज भएको छ । निर्माण टिमले राजधानीमा आयोजित एक कार्यक्रमका बीच फिल्मको पहिलो चल प्रचार सामाग्री रीलिज गर्यो ।
फिल्मको गीतमा मुख्य कलाकार रहेका ६ बर्षिय आयुव सेन फिचर छन् । आयुवको साथमा अभिनेता सारुक ताम्राकारलाई पनि देखाईएको छ । डेब्यू फिल्मबाटै आयुवले संभावनावान प्रतिभाको छनक दिएका छन् । गीतमा समावेश दृश्यहरुमा उनले प्रस्तुत गरेको अभिनयले धेरैको मन छुनसक्छ ।
‘मलाई माफ गरिदेउ आमा’ बोलको गीतमा स्वर रोहितजोन क्षेत्रीको स्वर छ भने संगीत कल्याण सिंहको छ । गीतको शब्दहरु रवि मल्ल ले लेखेका छन् । फिल्मलाई यम थापाले निर्देशन गरेका हुन् । कथा लेखन पनि थापाको नै छ ।
आयुव र सारुकसँगै अश्लेशा शाहि ठकुरी, कुसुम गुरुङ, भुवन चन्द, दुर्गा मल्ल ठकुरी, क्रिजन गौतम, सानु ताम्राकार फिल्ममा लिड अभिनयमा छन् । प्रेमगीत निर्माता सन्तोष सेनको निर्माणमा बनेको फिल्मको कार्यकारी निर्मातामा रेशमजंग शाह छन् ।
