साम्राज्ञी र धिरजको इन्टु मिन्टु प्रेमः लण्डनमा उडायो हावाले !

असोज ५ लाई प्रदर्शन मिति तय गरिएको फिल्म ‘इन्टु मिन्टु लण्डनमा’ को पहिलो अफिसियल गीत रिलिज भएको छ । बुधबार युट्युव मार्फत सार्वजनिक गीतमा लिड कलाकार साम्राज्ञी राज्यलक्ष्मी शाह र धिरज मगर फिचर छन् ।

‘उडायो हावाले’ बोलको रोमान्टिक गीत मेलोडियल लाग्छ । गीतमा संगीत हर्कुलस बस्नेतको छ भने हर्कुलसलाई गायनमा निखिता थापाले साथ दिएकी छिन् । गीतको शब्द पनि हर्कुलसको नै हो ।

यसअघि सार्वजनिक टिजरले चर्चा र तारिफ पाएसँगै साम्राज्ञी स्टारर यो फिल्मको गीत रिलिज गरिएको हो । निर्माण टिमले अफिसियल रुपमा चल दृश्य बाहिर ल्याउँदै प्रचार प्रसार थालेको छ ।

रेनश बान्तवा राईले फिल्मलाई निर्देशन गरेकी छिन् । कोरियोग्राफीमा सफल रेनशा पहिलो पटक ठुलोपर्दाको फिल्म निर्देशनमा जुटेकी हुन् । आइकोर फिल्मस् को लागी प्रभु शमशेर जबरा र प्रज्वल शमशेरले फिल्म निर्माण गरेका हुन् ।

लण्डनमा छायांकन गरिएको फिल्मको कथा रेनशा र निर्माता प्रज्वलको हो । यो फिल्ममा साम्राज्ञी र धिरजसँगै सारुक ताम्राकार, बिजय लामा, अर्जुन श्रेष्ठ, दिलभुषण पाठक, रुबी राना, विवेक लिम्बु, सुनिता ठाकुर लगायत लिड अभिनयमा छन् । शैलेन्द्र डि कार्कीले फिल्म खिचेका हुन् । कृष्ण भण्डारीले सम्पादन गरेका छन् ।

https://youtu.be/gQDByCdjUXw