‘झमकबहादुर’ पोस्टर रिलिज, पुरानो बाइक अनुपलाई सटायर ?
ट्रेलर रिलिज पछि बलिउड फिल्म ‘मुम्बइ एक्सप्रेस’को ‘कपिक्याट’को आरोप खेपेको फिल्म ‘झमकबहादुर’को पोस्टर रिलिज भएको छ । श्रावण १८ लाई प्रदर्शन मिति तय गरेको फिल्मको हालै रिलिज पोस्टरमा लिड अभिनेता अनुपबिक्रम शाहि एक ‘पुरानो बाइक’मा सवार छन् ।
त्यसो त अनुप यतिबेला ‘पुरानो बुलेट’ नामकै फिल्म गरिरहेका छन् । सार्वजनिक पोस्टरमा उनलाई पुरानो ‘होण्डाको आर एक्स हण्ड्रेड’मा देख्न सकिन्छ तर फिल्मको प्रचारमा अनुप नहिड्ने चर्चा चल्दा निर्माण टिमले अनुपलाई ‘सटायर’ दिनकै लागी यो पोस्टर फालेको हुनसक्ने सम्म चर्चा सुरु भएको छ ।
पोस्टरमा अनुपको बिल्कुल फरक अबतार झल्केको छ । टाउकोमा रुमाल बानेका उनलाई ‘बच्चा’ देखाउन खोजिएको छ । पोस्टर र नामले नै फिल्मलाई कमेडी बोल्छ । निर्देशक भोमन कटुवालले फिल्म नेपाली परिवेश बोल्ने बनेको दाबी गरे ।
अनुपसँगै राजु कमेडी, मुनकुमार तामाङ, कल्याण अधिकारी, सुजाता थापा, यादव देवकोटा फिल्ममा लिड अभिनयमा छन् । मिनकुमार तामाङले निर्माण गरेको फिल्मलाई पवन गौतमले खिचेका छन् ।
