झाङ्गिँदो आर्यन साम्राज्ञी प्रेम, ‘कायरा’ अफिसियल गीत रिलिज (भिडियो)

आर्यन सिग्देल र साम्राज्ञीराज्यलक्ष्मी शाह स्टारर फिल्म ‘कायरा’को पहिलो गीत रिलिज भएको छ । दुई हप्ता पहिले ट्रेलर रिलिज गरेको निर्माण टिमले सकारात्मक प्रतिक्रिया मिल्दैगर्दा गीत रिलिज गरेको हो ।

सार्वजनिक ‘सुखैमा’ बोलको गीतमा आर्यन र साम्राज्ञीलाई रोमान्टिक अबतारमा देख्न सकिन्छ । मेल भर्सनको गीतमा स्वर केतन क्षेत्रीले दिएका छन् भने संगीत कोशिश क्षेत्रीको छ । गीतका शब्दहरु पनि कोशिशकै हुन् । कोरियोग्राफी प्रविण सिंहको छ ।

आर्यन र साम्राज्ञीसँगै शिशिर राणा, हितेश शर्मा, सुरेश न्यौपाने, मरिष्का श्रेष्ठ लिड रोलमा रहेको फिल्मलाई लक्ष्मण रिजालले निर्देशन गरेका छन् । आर्यन सिग्देलको कथामा तयार भएको फिल्ममा लगानी आर्यनसँगै निर्देशक रिजालको छ । आगामी श्रावण १८ बाट फिल्म प्रदर्शनमा आउँदैछ ।