समुन्द्रसँग माया साट्दै एलिजा, ‘अनुराग’ अफिसियल रिलिज घोषणा

चर्चित पत्रकार ऋषि धमला पत्नि तथा नव अभिनेत्री एलिजा गौतम फिल्म रिलिज पहिले नै चर्चामा रहेको नाम हो । ‘अनुराग’ नामको उनको डेब्यू फिल्म पर्दामा आउन अझै बाँकी छ तर नेपाली फिल्मलाई नजिकबाट चिन्नेहरुको लागी एलिजा नाम अब पुरानो बनिसकेको छ ।

यो बीचमा आगामी असोज १२ लाई अफिसियल प्रदर्शन मिति तय गर्दै फिल्म ‘अनुराग’को पोस्टर रिलिज गरिएको छ । सार्वजनिक पोस्टरहरुमा एलिजालाई नव अभिनेता समुन्द्र पण्डितसँग प्रेमिला मुद्रामा देख्न सकिन्छ । फिल्मको कथा पनि लभस्टोरी नै हो ।

ऋषिराज धमला नै प्रस्तुतकर्ता रहेको फिल्मलाई सत्यराज चौलागाइँले निर्देशन गरेका छन् । फिल्ममा रामकुमार केसीको छायांकन छ भने किरण दाहालको कथा छ । एलिजा र समुन्द्रसँगै सरोज खनाल, रुपा राना, सिसिर राणा, मोहन निरौला, कमलकान्त मैनाली लगायतलाई लिड अभिनयमा देख्न सकिन्छ ।