पाँच पोस्टरमा हेर्नुहोस् ‘पण्डित बाजेको लौरी’
श्रावण ४ लाई प्रदर्शन मिति तय गरेको फिल्म ‘पण्डित बाजेको लौरी’को एकसाथ चारै पोस्टर रिलिज गरिएको छ । सार्वजनिक पोस्टरहरुले फिल्मको ‘थीम’ बोल्छन् । लिड कलाकारहरुको पात्र चरित्र झल्काइएको छ ।
दीपक वलीको निर्देशनमा बनेको फिल्मलाई थमनकुमार भण्डारी (राज) र किशोर खड्काले निर्माण गरेका हुन् । महेश दवाडीको कथा, पटकथा र संवाद रहेको फिल्ममा बिदुर पाण्डेको छायांकन छ ।
भोलाराज सापकोटा, प्रविण खतिवडा, बिजय बरल, प्रमोद अग्रहरी, मरिश्का पोखरेल, सन्ध्या केसी, लोकेन्द्र लेखक, विशाल पहारी, कुलद्विप अधिकारी लगायत फिल्ममा लिड अभिनयमा छन् ।
‘पण्डित बाजेको लौरी’मा श्रीकृष्णबम मल्ल र अमित श्रेष्ठको संगीत छ । मित्र डि गुरुङले फिल्मलाई सम्पादन गरेका छन् । यसअघि नै गीत र ट्रेलर रिलिज भइसक्दा फिल्म निर्माण टिम रिलिज पुर्वको ‘हाइप’ बढाउन जुटेको छ ।
निर्माता भण्डारीले टिपिकल नेपालीपना बोल्ने फिल्म बनाएको भन्दै रोमान्स र हाँस्यरसको समिश्रण बोकेको फिल्मलाई दर्शकले साथ दिने आशा व्यक्त गरे ।
