यस्तो बनेर आयो ‘नाई नभन्नु ल ५’ ट्रेलर (भिडियो)
हिट सिरिज ‘नाई नभन्नु ल’को पाँचौ शृङ्खला ‘नाई नभन्नु ल ५’ को ट्रेलर रिलिज भएको छ । भदौ ८ लाई प्रदर्शन मिति तय गरेको फेमिली ड्रामाको राजधानीको ‘क्यूज सिनेमा’ हलमा आयोजित एक कार्यक्रममा बीच ट्रेलर रिलिज गरियो ।
ट्रेलरमा लिड कलाकार अनुभव रेग्मी र सेड्रिना शर्माको प्रेमभाव झल्किएको छ भने यो पटक पनि निर्देशक विकासराज आचार्य दर्शक रुवाउन तयार छन् । जसका सुरुवाती लक्षण ट्रेलरले बोकेको छ ।
सामिप्यराज तिमिल्सिना र निर्देशक आचार्यको कथा तथा पटकथामा तयार फिल्ममा प्रियंका कार्की, स्वस्तिमा खड्का, दिलीप रायमाझी, निरुता सिंह, केकी अधिकारी लिड रोलमा छन् । नव अभिनेताको रुपमा अभिषेक नेपालले डेब्यू गर्दैछन् ।
बसन्त सापकोटाको संगीत रहेको फिल्मको ट्रेलर सन्देश शाहले तयार पारेका हुन् । पुरुषोत्तम प्रधानको छायांकन तथा अर्जुन जिसीको सम्पादनमा तयार ‘नाई नभन्नु ल ५’लाई राजधानीमा श्रीराम बालाजी फिल्मस् र मोफसलमा एफडी कम्पनिले वितरणको जिम्मा लिएका छन् ।
