रोमान्स र रोदन बोल्ने ‘कहीँ कतै’ ट्रेलर रिलिज (भिडियो)

श्रावण २५ गते रिलीज हुने नेपाली फिल्म ‘कहीँ कतै’को ट्रेलर रिलीज भएको छ । ट्रेलरमा नव कलाकारद्वय सोनम बरफुङ्गपा र सिवानी गिरीसँगै अभिनेता दिलीप रायमाझी, किशोर खतिवडा, उमा ‘बेबी’ गिरी लगायत फिचर छन् ।

ट्रेलरले फिल्मको रोमान्टिकर वियोगको पाटोलाई प्रष्टाएको छ । अभिनेता दिलीपका आँखामा आँशु छचल्किएको देखिन्छ भने सोनम र सिवानीको प्रेमकथासँगै पीडा पनि ट्रेलरमा पाईन्छ ।

शिव ढकाल र बाबु श्रेष्ठको छायांकन रहेको फिल्मलाई अर्जुन जिसीले सम्पादन गरेका छन् । द्वन्द्व निर्देशन रोशन श्रेष्ठको रहेको छ । फिल्ममा सचिन सिंह र लक्की सिटौलाको संगीत रहेको छ । अर्जुन जिसीको सम्पादन छ ।

शबिर श्रेष्ठको लेखन तथा निर्देशन रहेको यस फिल्मलाई काठमाण्डौ उपत्यकामा रिच इन्टरटेन्मेण्ट र उपत्यका बाहिर एफडि कम्पनीले वितरण गर्दैछन् ।