सकियो बिनयसँग सम्बन्ध घर फर्किन् सृष्टि !
फिल्म ‘रोमियो एण्ड मुना’को स्याड भर्सन गीत रिलिज भएको छ । गीतमा विनय श्रेष्ठ ‘रोमियो’ र सृष्टि श्रेष्ठ ‘मुना’ फिचर छन् । सेन्टिमेन्टल फ्लेभरको गीतमा उनिहरु एकअर्काबाट छुट्टिँदै घर फर्केको देखाइएको छ ।
गीतमा धरानबाट रोमियो काठमाडौँतर्फ हानिदै छन् भने मुना आफ्नो गाउँ फिरेकी छन् । ‘साँझ पर्यो’ बोलको गीत मार्मिक लाग्छ । कालीप्रसाद बाँस्कोटाको संगीत रहेको गीतमा शब्द सिर्जनामा कालीलाई एकतारेले सहयोग गरेका छन् । गीतलाई गौरव डगाओंकरले गाएका छन् ।
नरेशकुमार केसी निर्देशित फिल्म ‘रोमियो एण्ड मुना’मा विनय र सृष्टि नै शिर्ष भूमिकामा प्रस्तुत छन् । यी सँगै फिल्ममा सुस्मा कार्की, सुरक्षा पन्त, प्रज्ववल सुजल गिरीको अभिनय छ ।
फिल्म निर्माणमा प्रशन्न गोपाली, राजी श्रेष्ठ, राम शर्मा र कविन शाक्यले सहकार्य गरेका छन् । साउन ११ गतेबाट यो फिल्म दर्शकमाझ आउनेछ ।
