सञ्जयका साथी कमलेशले अझै हेरेनन् ‘सञ्जु’ !
बलिउडमा यतिबेला कसैको सर्वाधिक चर्चा छ त त्यो हो फिल्म’सञ्जु’ । भारतमा मात्र नभएर बिश्व फिल्म बजारमा नै तहल्का पिटिरहेको अनि प्रदर्शनको छोटो समयमा नै सफलता हात पारिसकेको फिल्म निर्माण टिम तथा कलाकार यतिबेला बधाईका पात्र बनिरहेका छन् ।
राजकुमार हिरानी निर्देशित फिल्मका लिड कलाकार सञ्जयदत्तको भुमिका निभाउने रणविर कपुरदेखि साथीको भुमिका निभाएका विक्की कौशल उर्फ कमलेश सबै तारिफका पात्र बनिरहेका छन् । तर प्रदर्शनको सातौँ दिन पुग्दै लाग्दा फिल्मसँग जोडिएको नयाँ तथ्य बाहिरिएको छ कि फिल्मको मुख्य पाटो बनेका विक्कीले हालसम्म पनि फिल्म हेरेका छैनन् ।
विकेण्डमै पाएको सफलता निर्माण टिमले साटिसकेको छ तर त्यसको सांक्षी पनि विक्की बनेनन् । प्राप्त जानकारी अनुसार विक्कीले समय अभावका कारण हालसम्म आफुले फिल्म हेर्न नपाएको बताएका छन् । एक भारतिय मिडियासँग कुरा गर्दै विक्कीले आफु सर्वियामा फिल्म ‘उरी’को छायांकनमा एक महिनादेखि रहेको र सो ठाउँमा बलिउड फिल्म रिलिज नहुने भएको कारण हेर्न नपाएको बताएको कोइमोइ डटकमले लेखेको छ ।
