बर्षाको लागी अनुप र प्रशान्तको टकराब, ‘जय शम्भु’ एक्सनपुर्ण टिजर रिलिज
भदौ १ गतेलाई प्रदर्शन मिति तय गरेको फिल्म ‘जय शम्भु’को टिजर रिलिज भएको छ । प्रचारलाई सुरु गर्ने ध्येयले सार्वजनिक गरिएको टिजरलाई पुर्णतः एक्सनप्याक बनाइएको छ । जहाँ अभिनेता द्वय प्रशान्त ताम्राकार र अनुपबिक्रम शाही एक आपसमा भिडेका छन् ।
त्यसो त प्रशान्त र अनुप नेपाली फिल्म उधोगमा खलपात्रमा चलेको नाम हो । फिल्ममा उल्लेखित दुईसँगै बर्षा शिवाकोटी मुख्य भुमिकामा छिन् । करुणा पाण्डे, रोशन महर्जनलाई पनि मुख्य भुमिकामा देखिनेछ ।
दिनेश शाहीको निर्माणमा बनेको फिल्मलाई रुपेश तामाङले निर्देशन गरेका छन् । फिल्मको कथा सिक्षा काफ्लेको हो । समिर बलामी कास्टिङ डाइरेक्टर रहेको फिल्ममा कार्यकारी निर्माताको रुपमा अरबिन्द्रमान शाक्य छन् । टंक बुढाथोकीले संगीत भरेका छन् ।
रामजी लामिछानेको कोरियोग्राफी रहेको ‘जय शम्भु’मा श्री श्रेष्ठको एक्सन छ हरि घले लामाको छायांकन छ ।
