ऋचा र अर्पणको ‘चक्कर’, नयाँ गीत रिलिज (भिडियो)
फिल्म ‘चक्कर’को नयाँ गीत रिलिज भएको छ । आगामी श्रावण ४ लाई प्रदर्शन मिति तय गरेको फिल्मको आईतबार मात्रै नयाँ गीत रिलिज गरिएको हो । युट्युवमा सार्वजनिक ‘बिहानीको किरणसँगै’ बोलको गीतमा कलाकारहरुको पात्र चरित्र प्रस्तुत छ । 
फिल्ममा समावेश केहि ‘मोन्टाज दृश्य’हरु समावेश गीतको भिडियोमा लिड कलाकारहरु ऋचा शर्मा, अर्पण थापा, एवनराज उप्रेती, सिर्जना सुब्बा, स्मृति पोखरेल, भोलाराज सापकोटा फिचर छन् । गीतमा स्वर पुष्प पलाञ्चोकेको छ। शब्द संगीत संगम पन्त र पुष्प पलाञ्चोकेको छ ।
अनुष्क रौनियारले निर्देशन गरेको फिल्मलाई अनुष्कले नै सम्पादन गरेका छन् । नेशनल मिडिया प्रोडक्सन र केटिएम आर्ट्सको ब्यानरमा बनेको फिल्म ‘चक्करलाई रविन आचार्यले निर्माण तथा छायांकन गरेका छन् ।
