पाँच पोस्टरमा हेर्नुहोस् कविता र उमेशको बोबीः प्रेम र संघर्ष
रियल जोडीको यथार्थ कथामा तयार भएको फिल्म ‘बोबी’का पोस्टरहरु रिलिज भएका छन् । निर्माण टिमले एकसाथ पाँच पोस्टर रिलिज गरेको छ । जहाँ मुख्य कलाकार कविता गुरुङ र उमेश थापा प्रमुखतः फिचर छन् ।
मिलन चाम्स निर्देशित फिल्मले यहि असार २९ लाई सार्वजनिक प्रदर्शन मिति तय गरेको छ । पछिल्लो क्रममा प्रचार प्रसारलाई चर्को बनाउने सुरसारमा रहेको फिल्ममा समावेश गीत र ट्रेलर यसअघि नै सार्वजनिक भइसकेका छन् ।
कविता र उमेशको रियल लाइफको प्रेम, रोमान्स, रोदन, संघर्षको कथा फिल्मले पेश गर्छ । चाम्स इन्टरटेनमेन्ट र लण्डन आई इन्टरटेनमेन्टको व्यानरमा निर्माण भएको ‘बोबी’मा संचारकर्मी नरेश भट्टराई र गिरिराज घिमिरेको स्क्रिप्ट छ भने नवराज कृष्ण थापाले छायांकन गरेका छन् ।
फिल्ममा कविता र उमेशसँगै विजय लामा, रुबी राणा शाह, देशभक्त खनाल, रश्मि भट्ट, रवि गिरी, सुरवीर पण्डित, बादल भट्ट, पुर्णिमा लामा, शिशिर राणा लगायतका कलाकारको अभिनय छ । अर्जुन जिसीले सम्पादन गरेका छन् ।
