दर्शकलाई सस्पेन्स छोड्दै ‘चि मुसी चि’ ट्रे्लर रिलिज (भिडियो)
फिल्म ‘चि मुसी चि’को ट्रेलर रिलिज भएको छ । आगामी श्रावण ११ लाई प्रदर्शन मिति तय गरेको निर्माण टिमले शुक्रबार ट्रेलर रिलिज गर्यो । यसअघि सार्वजनिक दुई गीतले लोकप्रियता कमाउँदै गर्दा निर्माण टिमले ट्रेलर रिलिज गर्दै प्रचार प्रसारलाई औपचारिकता दिएको हो ।
सस्पेन्स थ्रिलर जनराको फिल्मको सार्वजनिक ट्रेलरले दर्शकलाई कौतुहल बनाउन सक्छ ट्रेलरमा अभिनेताद्वय सुनिल क्षेत्री र शुसान्त कार्कीको टक्कर देखाईएको छ भने अभिनेत्री अलिशा शर्माको भूमिकालाई प्रष्ट्याईएको छैन ।
एक अर्कामा हानाथापको नियतले खेलिने खेललाई नेपाली समाजमा ‘चि मुसी चि’ भनेर चिन्ने गरिन्छ । यहि आधारमा फिल्मको कथामा पनि केहि त्यस्तै घटना हुनसक्ने अनुमान लगाउन सकिन्छ, निर्देशक दिनेश श्रेष्ठको भनाई छ ।
अरुण कुमार गुरुङ, महेश्वर खत्री, सुवास भुर्तेल, डब बहादुर गुरुङ निर्माता रहेको यस फिल्मको कार्यकारी निर्मातामा शिवराज कार्की छन् भने अनिल पाण्डे र प्रिन्स युवराज कार्की प्रस्तुतकर्ता हुन् ।
सुनिल क्षेत्री, सुशान्त कार्की, अलिशा शर्मा, शिवराज कार्की, शेखर अधिकारी, कमली वाइवालागयतका कलाकारहरुको अभिनय रहेको फिल्ममा सुनिल क्षेत्री र विक्रम स्वाँरको कोरियोग्राफी छ । बासु न्यौपानेले खिचेको फिल्मको सम्पादन भूपेन्द्र अधिकारीले गरेका छन् ।
