टिजरमा हेर्नुहोस् धिरजसँग साम्राज्ञीको इन्टु मिन्टु लण्डन प्रेम (भिडियो)

असोज ५ लाइ प्रदर्शन मिति तय गर्दै साम्राज्ञी राज्यलक्ष्मी शाह र धिरज मगर स्टारर फिल्म ‘इन्टु मिन्टु लण्डनमा’को टिजर ट्रेलर रिलिज गरिएको छ । टिजर कलरफुल बनाइएको छ जहाँ साम्राज्ञी र धिरजको रोमान्टिक प्रेम छताछुल्ल छ ।

रेनश बान्तवा राईको निर्देशनमा फिल्म तयार भएको हो । कोरियोग्राफरमा सफल रेनशा पहिलो पटक ठुलोपर्दाको फिल्म निर्देशनमा जुटेकी हुन् । आइकोर फिल्मस् को लागी प्रभु शमशेर जबरा र प्रज्वल शमशेरले फिल्म निर्माण गरेका हुन् ।

लण्डनमा छायांकन गरिएको फिल्मको कथा रेनशा र निर्माता प्रज्वलको हो । शैलेन्द्र डि कार्कीले फिल्म खिचेका हुन् । यो फिल्ममा साम्राज्ञी र धिरजसँगै सारुक ताम्राकार, बिजय लामा, अर्जुन श्रेष्ठ, दिलभुषण पाठक, रुबी राना, विवेक लिम्बु, सुनिता ठाकुर लगायत लिड अभिनयमा छन् ।