साम्राज्ञीको जीन्दगी आर्यन: ‘कायरा’ ट्रेलर रिलिज (भिडियो)

आर्यन सिग्देल र साम्राज्ञीराज्यलक्ष्मी शाह स्टारर फिल्म ‘कायरा’को ट्रेलर रिलिज भएको छ । आइतबार एक कार्यक्रम गरेर मिडियामाझ देखाएको ट्रेलर निर्माण टिमले सोमबार युट्युव रिलिज गरेको हो ।

सार्वजनिक ट्रेलरमा आर्यन र साम्राज्ञीलाई रोमान्टिक अबतारमा देखाएको छ । ट्रेलरले मायाप्रेम, रोमान्स र सस्पेन्स बोल्छ । अधिकांश दृश्यमा साम्राज्ञीलाई बोल्ड लुक्समा फिचर गरिएको छ । लक्ष्मण रिजालले फिल्मलाई निर्देशन गरेका हुन् । फिल्म साउन १८ मा रिलिज हुँदैछ ।

आर्यन सिग्देल इन्टरटेन्मेन्टको ब्यानरमा आर्यनले नै निर्माण गरेको फिल्ममा पटकथा तथा संवाद केदार भुषालको छ । फिल्ममा संगीत कोशिश क्षेत्री, अर्जुन पोखरेल र कल्याण सिंहको छ । कोरियोग्राफी प्रविण सिंहले गरेका छन् । शिवराम श्रेष्ठले खिचेको फिल्ममा शिशिर राणा, हितेश शर्मा, सुरेश न्यौपाने, मरिशा श्रेष्ठ पनि लिड रोलमा छन् ।