दर्शकमाझ मलिना र मनिषको रोमान्स !
फिल्म ‘तिमी हुन्छौ जहाँ जहाँ’ प्रदर्शनमा आएको छ । सोलो रिलिजको अबसर पाएको फिल्ममा मलिना जोशी र मनिष सुन्दर श्रेष्ठ लिड रोलमा छन् । सांगितिक रुपमा फिल्मले प्रदर्शन पुर्व राम्रो रिभ्यू पायो ।
विकाश बस्यालको निर्देशनमा बनेको फिल्ममा मलिना र मनिषसँगै विश्व बस्नेत, तमन्ना केसी, गीता अधिकारी लगायतका कलाकारहरुको पनि अभिनय छ । फिल्ममा माधव शर्मा घिमिरेको संवाद तथा पटकथा समावेश छ ।
रामशरण उप्रेतीले छायांकन गरेको फिल्मलाई भुपेन्द्र अधिकारी र सालिक दुलालले सम्पादन गरेका हुन् । कविराज गहतराजले कोरियोग्राफीको जिम्मा सम्हालेका छन् ।
मदन दवाडी, डालचन्द्र दवाडी र हरीप्रसाद अधिकारी निर्माता रहेको फिल्मका कार्यकारी निर्माता प्रकाश बाँस्कोटा हुन् । विना कार्की सह-निर्मात्रीमा छिन् । केहि दिन पहिले मोफसल प्रचारमा पुगेर राजधानी फिरेको फिल्म टिमले दर्शकले फिल्मप्रति उत्सुकता बढाएको भन्दै हलमा आएपछि साथ पाउने अपेक्षा बोकेका थिए ।
