अनुपको ‘पुरानो बुलेट’मा बर्षा र माला !
क्रेजी इन्टरटेन्मेन्टको ब्यानरमा बन्ने गरी फिल्म ‘पुरानो बुलेट’को निर्माण घोषणा गरिएको छ । काठमाडौँमा एक कार्यक्रमको आयोजना गरी फिल्मको निर्माण घोषणा गरियो ।
फिल्ममा अभिनेता अनुप विक्रम शाही, अभिनेत्री द्वय बर्षा शिवाकोटी र माला लिम्बु प्रमुख भूमिका रहनेछन् भने कविता आले, शिव मुखिया, कृष्णभक्त महर्जन, शिरोमणी दवाडी, दिवज राई लगायतका कलाकारहरुको पनि अभिनय रहनेछ ।
फिल्मलाई अशोक कुमार राई, दीपेन्द्र लिम्बु, विरेन साम्बा र टिकाराम राईले संयूक्त रुपमा निर्माण गर्नेछन् । कार्यकारी निर्मातामा सन्तोष राई छन् ।
लामो समयदेखी पत्रकारीतामा सकृय भिषण राईले यो फिल्मबाट निर्देशनमा डेब्यु गर्नेछन्। निर्देशक भिषण र कार्यकारी निर्माता सन्तोष सन्तोषको कथा, पटकथा रहेको छ ।
हरि घले लामाको छायांकन रहने फिल्ममा उत्तमजङ्ग लिम्बु र जयन जे. वाइवाको संगीत रहनेछ । राजेशपायल राई, मेलिना राई, जयन जे. वाइवा र उत्तम जंग लिम्बुको गायन रहनेछ । प्रशान्त तामाङले कोरियोग्राफीको जिम्मा लिएका छन् ।
