ट्रेलरमा यस्तो छ ‘पण्डित बाजेको लौरी’ (भिडियो)

आगामी साउन ४ लाई प्रदर्शन मिति तय गरेको फिल्म ‘पण्डित बाजेको लौरी’को ट्रेलर रिलिज भएको छ । निर्माण टिमले प्रचार प्रसारलाई अघि सार्दै ट्रेलर रिलिज गर्यो । सार्वजनिक ट्रेलरमा कमेडी तथा प्रेमिल स्वादको मिश्रण छ । बादी जातिको ‘बादी प्रथा’ र पण्डितहरुको ‘पण्डीत्याई’को विषयबस्तु फिल्मले बोल्छ ।

दीपक वली निर्देशित फिल्ममा सन्ध्या केसी, प्रविण खतिवडा, भोलाराज सापकोटा, बिजय बराल, मरिस्का पोखरेल, प्रमोद अग्रहरी लिड अभिनयमा छन् । अधृत फिल्मस् को ब्यानरमा फिल्म तयार भएको हो ।

फिल्ममा श्रीकृष्ण बम मल्ल र अमित श्रेष्ठको संगीत छ । कोरियोग्राफी बिक्रम स्वाँरले गरेका छन् । फिल्मलाई बिदुर पाण्डेले खिचेका हुन् । मित्र डि गुरुङले सम्पादन गरेको फिल्ममा थमनकुमार भण्डारी निर्मातामा छन् भने लगानीमा किशोर खड्काले पनि साझेदारी गरेका छन् ।