विनय र सृष्टिको ‘रोमियो एण्ड मुना’ ट्रेलर रिलिज (भिडियो)

विनय श्रेष्ठ र सृष्टि श्रेष्ठ स्टारर फिल्म ‘रोमियो एण्ड’ मुनाको ट्रेलर रिलिज भएको छ । ट्रेलरमा रोमियोले मुना पाउनको लागी कान काटेको सांकेतिक दृश्य जोड्न खोजिएको छ । जुन कुरा रोमियो एण्ड जुलियटको प्रेम कथाससँग जोडिन्छ ।

केटी घुमाउँदै हिड्ने एक युवक रोमियो उर्फ विनय अन्ततः मुनाको प्रेममा परेपछिका विभिन्न परिस्थितीको वरीपरी फिल्म घुम्छ । अभिनेत्री सुष्मा कार्की पनि एक दृश्यमा बोल्ड देखिन्छिन् । अर्की अभिनेत्री सुरक्षा पन्त पनि फिचर छिन् ।

नरेश कुमार केसी निर्देशित फिल्मको कथा पनि केसीले नै लेखेका छन् । लोकेश बज्राचार्यको सम्पादन रहेको फिल्ममा प्रज्वल सुजल गिरी पनि लिड रोलमा छन् । प्रसन्न मान गोपाली, रोजी श्रेष्ठ, राम शर्मा र कविन शाक्य निर्मातामा छन् । आगामी साउन ११ बाट फिल्म दर्शकमाझ आउँदैछ ।