मिलन चाम्सको फेमिलीको मान्छे बर्षा !
अभिनेत्री बर्षा शिवाकोटी फिल्म ‘वीर बिक्रम २’ मा अनुबन्ध भएदेखि निर्देशक मिलन चाम्ससँग जोडिएर मिडियामा गसिए बने । अझ दुई हप्ता पहिले जस्तो सामाजिक सञ्जालमा बर्षाले पोष्ट गरेको एक तश्विरमा उनले लगाएको चस्मामा चाम्सले दृश्य लिँदै गरेको पोज देखिएपछि मिलन र बर्षा जोडिएका कन्टेन्ट टन्नै आए ।
हालै बर्षाले लिड अभिनय गर्ने एक फिल्मको घोषणा कार्यक्रममा चाम्स अतिथी बनेर पुग्दा पुनः गाईगुइँ चल्यो ‘उ बर्षाको फिल्म घोषणा कार्यक्रममा मिलन आइपुगे नी !’
यसपछि कार्यक्रम सुरु भयो मन्तव्य राख्ने क्रममा चाम्सले पनि भनिदिए, ‘बर्षा मेरो फेमिलीको मान्छे !’ चा्सले यो बोल्दै गर्दा उपस्थित केहिले ताली पनि बजाए । सँगसँगै चाम्सले बर्षापछि सोहि फिल्ममा लिड हिरो अनुपबिक्रम शाहीलाई पनि परिवारको मान्छे भन्न भुलेनन् । अर्की अभिनेत्री माला लिम्बुसँग काम गर्ने मौका नमिलेको भएपनि उनलाई पनि नजिकको बोले ।
यो बिषयमा प्रश्न राख्दा निर्देशक चाम्स भने त्यस्तो खास केहि नभएको भन्दै प्रसङ्गलाई नै नकार्दै आइरहेका छन् । कुनै फिल्मको प्रिमियरमा पुग्दा या सार्वजनिक कार्यक्रममा पुग्दा एकसाथ देखिनु अनि तश्विर खिच्दा चस्मामै कैद भएपछि गसिप त बन्ने नै भो नी चाम्स ज्यू !
