अनुको नाम लिँदा तर्सिए सविन !
अभिनेता सविन श्रेष्ठ र अभिनेत्री अनु शाहको प्रेमचर्चा कतै छिपेको छैन । प्रायः मिडियामा यो जोडीलाई जोडेर समाचार त बन्छ नै आजकल झन अनुले नै सविनसँगको तस्विरहरु शेयर गर्दै सामाजिक सञ्जालमा माया झल्काउँदै आएकी छिन् ।
तर माया प्रेमको प्रसङ्गबाट सविन भने प्रायः भागिरहन्छन् । मिडियाले बारबार प्रश्न गर्दा पनि उनले साथीत्वको सम्बन्ध देखाएर खुला जस्तै बनेको प्रेमलाई ढापछोप गर्छन् । बुधबार पनि यस्तै भयो । सविन स्टारर फिल्म ‘ए सोल्टिनी’को प्रेस भेटघाटमा पुग्दा सविनलाई मिडियाकर्मीले प्रश्न गर्न सुरु गरे ।
तर सविन भने फिल्म रिलेटेड प्रश्नको जवाफ फर्काउन नभ्याउँदै ‘अनु’लाई चाहिँ नजोड्नु है भन्दै पहिल्यै तर्सिए । हुन पनि मिडियाकर्मी साथ पुग्दा बारबार तेर्सिने प्रेमको प्रश्नले उनलाई दिक्क लाएको पनि हुनसक्छ । त्यसपछि उनले अनु जोडिएर गरिएको प्रश्नमा अक्मक्कपना देखाए ।
केहि मिडियाले त यसअघि नै सविन र अनुले पेपर म्यारिज गरेको दाबी गर्दै गसिपहरु समेत बनाइसकेका छन् । उता अनुले आफ्नो शरिरमा सविनको नाममा ट्याटु समेत खोपेकी छिन् । अनुले स्विकार गरेको तर सविनले ढाकछोप गर्दै आएको यो सम्बन्ध कहिले खुलस्त पब्लिक बन्छ, त्यो भने हेर्न बाँकी छ ।
