आर्यनलाई तनाब, हार्डडिक्सबाटै उड्यो साम्राज्ञीसँगको रोमान्स फुटेज !

ट्रेलर रिलिजको तयारी गरिरहेको फिल्म ‘कायरा’ युनिटलाई तनाब थपिएको छ । अभिनेता आर्यन सिग्देलको निर्माण तथा लिड अभिनय रहेको फिल्मको फिलिपिन्समा छायाँकन गरिएको केहि फुटेज हार्ड डिस्कबाटै उडेको खबर छ ।

आर्यनले अभिनेत्री साम्राज्ञीराज्य लक्ष्मी शाहसँग अन स्कृन रोमान्स गरेको गीतको फुटेज हार्ड डिस्क बिग्रिँदा गायब भएको बताइएको छ । जसका कारण ट्रेलरमा भन्दा पहिले गीत रिलिजको तयारी गरेका आर्यनले तनाब झेल्नुपरेको छ ।

हार्ड डिस्कमा समस्या आएपछि फिल्ममा समावेश दुई गीतका केहि फुटेज रिकभर हुन नसकेको निर्देशक लक्ष्मण रिजालले स्विकार गरेका छन् । हराएका फुटेज छायांकनको लागी निर्माण टिम कलाकारसहित पुनः फिलिपिन्स जाने तयारी गरेको छ ।